Uppskeruhátíð áheitasöfnunar Reykjavíkurmaraþons var haldin miðvikudaginn 7. september í Ráðhúsinu. Þar mættu fulltrúar Hringsins meðal margra annarra. Samtals söfuðust yfir 43 milljónir króna sem renna til 131 góðgerðarfélags. Hvað einstök góðgerðafélög varðaði safnaðist mest fyrir Hringinn í nafni Barnaspítalasjóðs, 2,4 milljónir króna. Það voru rúmlega 300 hlauparar sem hlupu til styrktar Hringnum og Barnaspítalasjóði. Við Hringskonur erum afar stoltar og þakklátar aðstandendum Reykjavíkurmaraþons, hlaupurunum og þeim sem standa að baki áheitunum.

Á myndinni (frá vinstri) eru Birna bankastjóri Íslandsbanka, Sjöfn varaformaður og Valgerður formaður Hringsins.