Golfleikarar í hópi félagskvenna hittust á golfvellinum við Kálfatjörn á Vatnsleysuströnd fimmtudaginn 18. júní 2009. Leiknar voru 18 brautir, fyrri níu með öllum kylfunum, en seinni níu með þremur kylfum auk púttara. Veðrið var frábært til leiks og þetta litla ævintýri tókst vel. Að mótinu loknu var sameiginleg máltíð í golfskálanum og verðlaunaafhending fór fram. Til verðlauna unnu Gerður Birna Guðmundsdóttir (hvatningarverðlaun), Katla Ólafsdóttir (lengsta teighögg), Laufey Gunnarsdóttir (lægsta skor) og Sigrún Hjaltalín (nándarverðlaun).