Jón Hallmar Stefánsson kom færandi hendi í félagsheimili Hringsins á dögunum, en hann og amma hans, Halldóra Harðardóttir, færðu jólabasar Hringsins 250 pör af vettlingum sem Halldóra hefur prjónað á undanförnum mánuðum. Á myndinni má sjá Jón Hallmar afhenda Sjöfn Hjálmarsdóttur, varaformanni Hringsins, og Þóreyju Sveinbergsdóttur, formanni basarnefndar,  þessa höfðinglegu gjöf. Færir Hringurinn Halldóru og Jóni Hallmari bestu þakkir fyrir framlag þeirra til veikra barna á Íslandi.