Árshátíðin hefur löngum verið haldin nálægt jafndægri á vori. Í starfssögu Hringsins segir að árshátíðir hafi verið haldnar í „ýmsum veitingasölum í borginni og nágrenni.” Meira hefur verið haft við á tuga-afmæli félagsins, svo sem á 100 ára afmælinu árið 2004. Margir góðir gestir sátu þá hátíð, m.a. forseti Íslands og heilbrigðisráðherra ásamt mökum, og mikill fjöldi félagskvenna og makar þeirra, vinir eða skyldmenni. Um hana segir í dagskrá félagsins það ár: „Aldarafmælishátíð félagsins á Hótel Nordica við Suðurlandsbraut kl. 19:00. Samkvæmisklæðnaður. Vönduð dagskrá með fordrykk, söng, danssýningu og hljóðfæraslætti. Dansað verður með glæsibrag að lokinni þríréttaðri máltíð.”

Árshátíðin 2012

Árshátíð Hringsins 2012 verður haldin fimmtudaginn 8. mars í Veisluturninum í Smáranum. Nánar auglýst síðar.